ओली पक्षधर नेकपा केन्द्रीय कमिटीको बैठक बालुवाटारमा जारी

ओली पक्षधर नेकपा केन्द्रीय कमिटीको बैठक बालुवाटारमा जारी

काठमाडौं । प्रधानमन्त्री केपी शर्मा ओली पक्षधर नेकपा केन्द्रीय कमिटीको बैठक बालुवाटारमा जारी छ ।

ओलीको अध्यक्षतामा शुरु भएको बैठकमा पूर्व माओवादीतर्फका केही नेता पनि सहभागी छन् भने माधव नेपाल समूहमा रहेका केही सदस्य पनि थपिएका छन् । यो बैठकले अर्का अध्यक्षलाई कारवाही गर्ने सम्भावना छ भने नयाँ केन्द्रीय सदस्यहरु थपिदैछन् । प्रधानमन्त्री निवास बालुवाटारमा केहीबेरअघि सुरु भएको बैठकले कार्यकारी अध्यक्ष प्रचण्ड, वरिष्ठ नेता माधव कुमार नेपाललगायतलाई कारबाहीको निर्णय गर्ने नेताहरुले बताएका छन् । उनीहरुलाई कारबाही गरी नयाँ केन्द्रीय सदस्य थप्ने ओली पक्षको तयारी छ ।

बिहान नौ बजे बोलाइएको बैठक केन्द्रीय सदस्यहरुको सूची तयार पार्नु पर्ने भन्दै ढिला सुरु गरिएको छ । यसअघि नै स्थायी कमिटीको बैठकले ओलीलाई कारबाही गर्ने निर्णय गरिसकेको छ । त्यसलाई औपचारिकता दिन आजै प्रचण्ड–माधव नेपाल पक्षको केन्द्रीय समितिको बैठक पनि बस्दै छ । प्रचण्ड–नेपाल पक्षको बैठक दिउँसो १ बजे कार्की ब्यांक्वेट बबरमहलमा बोलाइएको छ ।



ट्रेन्डिङ