बाँकेमा थप १ जना कोरोना संक्रमितको मृत्यु

बाँकेमा थप १ जना कोरोना संक्रमितको मृत्यु

बाँके २ भदौं । बाँकेमा थप १ जना कोरोना भाइरस संक्रमितको मृत्यु भएको छ । मृत्यु हुनेमा नेपालगन्ज उपमहानगरपालिका- ५ का ६२ वर्षीय पुरुष हुन् । उनको सोमबार राति ११ः४० बजे मृत्यु भएको जिल्ला स्वास्थ्य कार्यालय बाँकेका कोरोना फोकल पर्सन नरेशबाबु श्रेष्ठले जानकारी दिए ।

मृत्यु भएका ती पुरुषको फोक्सोमा निमोनिया भएको थियो । उनलाई गत ३० साउनमा कोरोना लक्षण देखिएपछि परिवारका सदस्यले साउन ३२ मा उपचारका लागि नेपालगन्ज मेडिकल कलेज, शिक्षण अस्पताल नेपालगन्जमा गरेका थिए ।

योसँगै बाँकेमा कोरोना संक्रमणबाट मृत्यु हुनेको संख्या ४ पुगेको छ ।



ट्रेन्डिङ