काठमाडौं उपत्यकामा कोरोना जोखिम बढ्यो, २४ घन्टामै थपिए ३८ संक्रमित

काठमाडौं उपत्यकामा कोरोना जोखिम बढ्यो, २४ घन्टामै थपिए ३८ संक्रमित

काठमाडौं १६ साउन। पछिल्लो २४ घन्टाको अवधिमा काठमाडौं उपत्यकामा ३८ जनामा कोरोना संक्रमण देखिएको छ।

काठमाडौं उपत्यकामा कोरोना भाइरस (कोभिड-१९) संक्रमण दर बढ्दै गएको मन्त्रालले जनाएको छ। समुदायमा बढी घुलमिल भएर बस्ने समूहमा कोरोना संक्रमण बढ्दै गएको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले जानकारी दिए।

काठमाडौंमा ३२, ललितपुरमा ५ जना र भक्तपुरमा १ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।

शुक्रबार थप २२४ जनामा कोरोना भाइरस (कोभिड -१९) संक्रमण देखिएको छ। स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार नयाँसहित कूल संक्रमितको संख्या १९ हजार ७७१ पुगेको हो ।बुधबार २१० र बिहीबार २७४ जनामा कोरोना संक्रमण देखिएको थियो।



ट्रेन्डिङ