रक्षाबन्धनमा घरघरमा गएर धागो बाँध्‍न रोक

रुकुम १४ साउन। यस वर्षको रक्षाबन्धनमा ​रुकुमपूर्वमा घरघरमा गएर धागो बाँध्‍न रोक लगाइएको छ।

ज्योतिष परिषद् रुकुम (पूर्व) ले विगतका वर्षहरुमा झै यस वर्ष घरघरमा गएर धागो बाँध्न नपाइने निर्णय गरेर रोक लगाएको हो ।

सबैको घरघरमा गएर धागो बान्दा कोरोना सर्ने र सङ्क्रमण फैलने भन्दै यस्तो निर्णय गरेको परिषद्का अध्यक्ष चेताराम उपाध्यायले बताउनुभयो ।

जिल्लावासी सबैलाई यसपालिको रक्षाबन्धन घरमै धागो बाँधेर मनाउन आग्रह गरेको सिस्ने गाउँपालिका-६ का वडाध्यक्षसमेत रहेका परिषदका सदस्य सुधन रेग्मीले बताए।  रक्षाबन्धन हिन्दू धर्मावलम्बी मनाउने र भाइबहिनीबीचको अटुट प्रेमलाई दर्शाउने एउटा पवित्र पर्व हो।