स्वीस बैंकमा प्रधानमन्त्री ओलीको खातानै छैनः प्रेस सल्लाहाकार सूर्य थापा

स्वीस बैंकमा प्रधानमन्त्री ओलीको खातानै छैनः प्रेस सल्लाहाकार सूर्य थापा

काठमाण्डौं ३१ असार । प्रधानमन्त्री ओलीको स्वीस बैंकमा ५.५ मिलियन अमेरिकी डलर रहेको समाचारप्रति कुनै सत्यता नरहेकाे प्रधानमन्त्री सचिवालले जनाएको छ । आज प्रेस विज्ञप्ति जारी गर्दै प्रधानमन्त्री ओलीका प्रेस सल्लाहकार सूर्य थापाले बदनियतका साथ अत्यन्त भ्रामक, गलत र चरित्रहत्या गर्ने उद्देश्यले फैलाइएकाे हल्ला भनेका छन् ।

‘ग्लोबल वाच एनालाइसिसको हवाला दिँदै केही नेपाली अनलाइनहरूले गैरजिम्मेवारीपूर्ण र बदनियतका साथ गरिररहेको अत्यन्त भ्रामक, गलत र चरित्रहत्या गर्न लक्षित झूठो सम्रेषणप्रति हाम्रो ध्यानाकर्षण भएको छ,’ विज्ञप्तिमा लेखिएको छ, ‘स्वीस बैंकमा खाता र ५.५ मिलियन अमेरिकी डलर जम्मा रहेको वा यस्तै व्यहोराका तथाकथित रिपोर्ट शतप्रतिशत गलत र कपोलकल्पित रहेको स्पष्ट गर्दछु ।’

उनले सीमा अतिक्रमणविरुद्ध नयाँ नक्सा प्रकाशनको कदम र संविधान संशोधनजस्तो महत्वपूर्ण निर्णयमा सिंगो राष्ट्रलाई एकताबद्ध गर्दै प्रधानमन्त्री ओलीले राष्ट्रको नेतृत्व सम्हालिरहे संवेदनशील बेलामा बदनाम गराउन यस किसिमले सुनियोजित षड्यन्त्र गर्ने अनेकन तत्वहरू सक्रिय रहेको समेत उल्लेख गरेका छन् । साथै, उनले यस्ता दुष्प्रचारको भ्रममा नपर्नसमेत आग्रह गरेका छन् ।



ट्रेन्डिङ