सरकारलाई हटाउनु नै जनताको हितमा:उपेन्द्र यादव

सरकारलाई हटाउनु नै जनताको हितमा:उपेन्द्र यादव

काठमाडौं ३० असार। छिमेकी मुलुक र अन्य राष्ट्रहरुसँग सम्बन्ध विगारेर प्रधानमन्त्री केपी शर्मा ओलीले देशको अवस्थालाई संकटग्रस्त बनाएको जनता समाजवादी पार्टी नेपालका अध्यक्ष उपेन्द्र यादवले प्रतिकृया दिएका छन् ।

हिजो एक कार्यक्रममा प्रधानमन्त्री ओलीले भारतले ‘नक्कली अयोध्या’ खडा गरेर सांस्कृतिक तथ्यमाथि अतिक्रमण गरेको अभिव्यक्ति दिएपछि अध्यक्ष यादवले आज यस्तो प्रतिकृया दिएका हुन् । यस्तो अवस्थामा छिमेकी मुलुकसँग सम्बन्ध बिगारेर देशको लागि यो सरकार अभिसाप भएको भन्दै सरकारलाई हटाउनु नै जनताको हितमा हुने प्रतिकृया दिए ।

बाढी, पहिरो र डुबानमा परि जनता मरि रहेका बेला,धेरै जना हराएका, घरबारबिहीन भएका र धेरै कृषि वाली नष्ट भएको अवस्थामा सरकारले कुनै राहतका कार्यक्रम ल्याउन नसकेको आरोप समेत लगाए । उनले भने- ‘कोरोना महामारीसँगै झाडा पखालाले समेत मानिसहरु अत्यन्त पीडित भइरहेका छन् । सरकारले त्यसका लागि ठोस रुपमा नीति, कार्यक्रम र राहतका योजना ल्याउन सकेन ।’



ट्रेन्डिङ