पठन पाठन अघि बढाउने सम्बन्धि निर्देशिका असार १ गतेदेखि कार्यान्वयन गर्ने तयारी

पठन पाठन अघि बढाउने सम्बन्धि निर्देशिका असार १ गतेदेखि कार्यान्वयन गर्ने तयारी

चितवन १८ जेठ । जारी लक डाउन सँगै महामारीका कारण बन्द रहेको शैक्षिक संस्थाहरु असार १ गतेदेखि खोल्ने तयारी गरिएको छ । बैकल्पिक माध्यमको प्रयोग गरी पठन पाठन अघि बढाउने सम्बन्धि निर्देशिका असार १ गतेदेखि कार्यान्वयन गर्ने तयारी गरिएको हो ।   ‘बैकल्पिक प्रणालीबाट विद्यार्थीको सिकाई सहजीकराण् गर्ने सम्बन्धी निर्देशिका, २०७७ जारी गरिएको छ । सोहि निर्देशिकालाई यहि आसार १ गतेदेखि कार्यान्वयन गर्न गराउन संघ, प्रदेश र स्थानीय तहका सम्बद्ध सबै निकायहरु तथा सरोकारवाला आग्रह गरिएको छ ।

शिक्षा विज्ञान तथा प्रविधिमन्त्री गिरीराजमणी पोखरेलले आइतबार विज्ञप्ति जारी गर्दै लामो समयसम्म पढाई अवरुद्ध भएका कारण पुग्न जाने शैक्षिक क्षतिलाई न्युनीकरण गर्न अपरिहार्य रहेको भन्दै विद्यालय जाने उमेर समूहका बालबालिकाको नियमित पठान पाठनको सहज अवस्था सिर्जना गर्न दुर तथा खुल्ला शिक्षा लगायत बैकल्पिक प्रणालीबाट सिकाइमा सहजीकरण गर्न हालै मन्त्रालयले वैैकल्पिक प्रणालीबाट सिकाई सहजीकरण गर्ने सम्बन्धि निर्देशिका २०७७ जारी गरेको जनाएका छन् ।

‘सो निर्देशिकालाई यहि २०७७ साल असार १ गतेबाट कार्यन्वयन गर्न गराउन संघ, प्रदेश र स्थानीय तहका सबै निकाय तथा सरोकारवालाई हार्दिक आव्हान गर्दछु,’ मन्त्री पोखरेले विज्ञप्तिमा भनेका छन् । यसैवीच बजेट वक्तव्यको बुँदा नम्बर १६६ बारे मन्त्री पोखरेलले आफ्नो मन्त्रालयले प्रस्ताव नगरेको दावी गरेका छन् । उनले सो भनेका छन्, ‘बजेट वक्तव्यको बुँदा नम्बर १६६ मा उल्लेखित शिक्षा विज्ञान तथा प्रविधि मन्त्रालयद्धारा प्रस्ताव नगरिएको भएता पनि सार्वजनिक विद्यालयको सवलीकरण र सुदृढिकरण निम्ती गैरसरकारी क्षेत्र, विकास साझेदारहरुको सहयोग र योगदानलाई पुरक कार्यक्रमका रुप विद्यालयको व्यवस्थापन र स्वामित्व यथावत गरिने गरि परिचालन गरिनेछ ।’

मन्त्री पोखरलेलले सार्वजनिक शिक्षको सवलीकरण सबैको साझा दायित्व भएको पनि बताएका छन् ।

 



ट्रेन्डिङ