रिहा भएलगत्तै अग्रवाल सम्पति शुद्धीकरणको नियन्त्रणमा

रिहा भएलगत्तै अग्रवाल सम्पति शुद्धीकरणको नियन्त्रणमा

काठमाडौँ — जिल्ला अदालत काठमाडौंको आदेशमा धरौटीमा रिहा भएलगत्तै व्यवासयी सुलभ अग्रवाल पुनस् पक्राउ परेका छन् ।  शरीरको तापक्रम नाप्ने थर्मल गनको कालोबजारी गरेको आरोपमा पक्राउ परेका अग्रवाललाई अदालतले २५ लाख ५० हजार रुपैंया धरौटीमा रिहा गर्न आदेश दिएको थियो । न्यायाधीश ब्रजेश प्याकुरेलको इजलासले अग्रवाललाई धरौटीमा छाड्न आदेश दिएको हो ।

अदालतबाट रिहा भएलगत्तै व्यवसायी अग्रवाललाई सम्पत्ति शुद्धीकरण अनुसन्धान विभागले नियन्त्रणमा लिएको छ । उनीसँग सोछपुछ गरेर सामान्य तारिखमा छाडिने विभाग स्रोतले बतायो । प्रहरीले अग्रवालको सम्पत्तिसमेत अनुसन्धान गर्न भनी विभागमा प्रतिवेदन बुझाएको थियो ।

अग्रवाल किर्गिस्तानका अवैतनिक दुत हुन् । उनी गत चैतको अन्तिम साता ६७ वटा थर्मल गर्न सहित पक्राउ परेका थिए । उनी जगदम्बा समूहको शंकर ग्रुपका सञ्चालक हुन् । कालोबजारीमा पक्राउ परेपछि अग्रवालसहित विदशी मुलुकका लागि अवैतनिक दूत रहेका ४ दर्जन नेपालीलाई दिइदै आएको कूटनीतिक सुविधासमेत सरकनारले खोसि सकेएको छ ।



ट्रेन्डिङ