लक डाउनले निर्माणको काम ठप्प / २२ अर्ब बढीको कारोबार सिमेन्ट उद्योगले मात्रै गुम्यो

लक डाउनले निर्माणको काम ठप्प / २२ अर्ब बढीको कारोबार सिमेन्ट उद्योगले मात्रै गुम्यो

काठमाडौं ७, वैशाख। लकडाउनका कारण अहिले निर्माणको काम लगभग ठप्प छ । जसका कारण छड सिमेन्ट जस्तापाता लगायतका निर्माण सामग्रीको उत्पादन, विक्री वितरण ठप्प छ । सिमेन्ट उत्पादक संघले पाँच हप्तामा २२ अर्ब भन्दा धेरै कारोबार क्षति ब्याहोर्नुपरेको जनाएको छ ।

देशभरका सिमेन्ट उद्योगबाट हुनै दैनिक ब्यापार हुने सिमेन्टको आकाडाको आधारमा प्रारम्भिक कारोबार क्षति आकलन गरिएको नेपाल सिमेन्ट उत्पादक संघका अध्यक्ष ध्रुबराज थापाले बताए । ‘लकडाउन पछिको हरेक दिनमा उद्योगीले दैनिक सरदर ६० करोडका दरले कारोबार गुमाएको छ,’ अध्यक्ष थापाले भने ।

नेपालभर लकडान अवधिसम्म ६१ वटा सिमेन्ट उद्योग सञ्चालनमा थिए । जसबाट दैनिक १६ मिलियन टन दैनिक सिमेन्ट उत्पादन हुने गरेको संघले जनाएको छ । कोरोना असर बढ्दै गए उद्योगहरुको संकट थप भयवह हुँदै जाने संघका अध्यक्ष थापा बताउँछन् ।

लकडाउनका करण मुलुकभरका सबै सिमेन्ट उद्योगमा अहिले ताला लागेको छ । उद्योगहरु बन्द भएसँगै उद्योगमा प्रत्यक्ष आश्रित १६ हजार भन्दा बढी र तीनका सहायक आश्रति समेत गरेर एक लाख भन्दा बढी मानिसले रोजी रोटी गुमाउने अवस्था आएको संघले जनाएको छ ।

खानी सञ्चालन गर्न देऊ
सिमेन्ट उद्योगीहरुले सुरक्षाको उपाय अपनाउँदै चुनढुंगा खानी सञ्चालन गर्न अनुमति दिन सरकारलाई आग्रह गरेका छन् । जेठ पहिलो हप्तासम्म उद्योगले खानी सञ्चालन गर्न सकेनन् भने सिमेन्ट उद्योग आगामी मसिंरसम्म बन्द हुनसक्ने नेपाल उद्योग परिसंघका अध्यक्ष सतिस मोरले बताए ।

कच्चा पदार्थको तयारी अवस्थामा राख्नका लागि खानी चलाउने अनिवार्य भएको सिमेन्ट उद्योग संघका अध्यक्ष थापाको भनाइ छ ।‘कच्चा पदार्थ उद्योगमा ल्याउन सक्यौँ भने सरकारले खोल भनेको भोली पल्टनै उद्योग चल्न सक्छ नत्र सबै एउटै जहाजमा डुब्न सक्छौँ,’ थापाले भने ।

बर्षायममा खानी चल्न नसक्ने भएकाले तत्काल खानीबाट चुनढुंगा झिकेर उद्योगमा सञ्चयको वातावरण बनाउन उद्योग र गृह मन्त्रालयलाई आग्रह गरिएको उनले बताए ।



ट्रेन्डिङ