कालिका नगरपालिकाले विपन्न परिवारका लागि एकसयवटा घर बनाईदिने

कालिका नगरपालिकाले विपन्न परिवारका लागि एकसयवटा घर बनाईदिने

कालिका १० साउन । पहाडदेखि समथर भू–भागसम्म फैलिएको कालिका नगरपालिकाले विपन्न परिवारका लागि १०० घर निर्माण गरिदिने भएको छ । चालू आर्थिक वर्षमा घर निर्माणका लागि नगरपालिकाले एक करोड ५० लाख विनियोजन गरेको छ ।

नगरपालिकाका प्रमुख खुमनारायण श्रेष्ठका अनुसार राम्रोसँग बस्ने घर नभएका विपन्न परिवार छनोट गरी घर निर्माण गरिँदैछ । वर्षात् सकिएसँगै असोजबाट घर निर्माणको प्रक्रिया अघि बढाइने उनले जानकारी दिए । नगरपालिकामा नमूना कामको रूपमा यसलाई लिएर आश्रयस्थल नभएकाहरुलाई घर बनाउँदै लगिने प्रमुख श्रेष्ठको भनाइ थियो ।

टिनले छाएर दुई कोठाको घर निर्माण गरिनेछ । एउटा घरका लागि रु एक लाख ५० हजार खर्च गर्ने गरी गएको नगरपरिषद्मा बजेट विनियोजन गरिएको हो । सो नगरपालिकामा पछिल्लो जनगणनाअनुसार ४२ हजार ४९५ जनसङ्ख्या रहेकामा १७ प्रतिशत चेपाङ छन् । घर बनाउँदा जातिभन्दा विपन्नलाई प्राथमिकता दिइने अध्यक्ष श्रेष्ठले बताए । उनले भने, “हाम्रो नगरमा ब्राम्ह्ण समुदाय पनि विपन्न छन् । विपन्न छनोट गरी घर बनाउँछौँ ।” नगरपालिकाले पहिलो चरणमा छनोटका लागि विधि बनाएर काम गर्दैछ ।



ट्रेन्डिङ